ڈاکٹر عاصم حسین نے کہا ہے کہ سابق صدرمملکت آصف علی زرداری کی طبیعت اب بہتر ہے۔

تفصیلات کے مطابق سابق صدر آصف زرداری کی طبیعت کے حوالے سے اپنے جاری بیان میں ڈاکٹر عاصم حسین نے کہا کہ آصف زرداری تاحال ضیا الدین اسپتال میں زیرعلاج ہیں۔

 ڈاکٹر عاصم حسین نے یہ بھی کہا کہ ماہر ڈاکٹرز ٹیم کی زیر نگرانی سابق صدرمملکت آصف علی زرداری کا علاج ہورہا ہے اور ان کی طبیعت اب بہتر ہے۔

ڈاکٹر عاصم حسین نے مزید کہا کہ طبیعت بہتر ہونے تک سابق صدر آصف زرداری زیرعلاج رہینگے۔

واضح رہے گزشتہ روز سابق صدر مملکت اور پاکستان پیپلز پارٹی پارلیمنٹیرین کے صدر آصف علی زرداری کی طبیعت ناساز ہانے پرانہیں اسپتال منتقل کردیا گیا تھا۔

پیپلز پارٹی کے ذرائع کا کہنا تھا کہ سابق صدر آصف علی زرداری کو اسپتال میں داخل کرلیا گیا ہے جہاں ان کا طبی معائنہ کیا جارہا ہے۔