اورنج لائن ٹرین منصوبہ بالآخر پانچ برس بعد مکمل ہوگیا ،25 اکتوبر سے اورنج ٹرین چلے گی۔

صوبائی وزیر ٹرانسپورٹ جہانزیب کھچی کہتے ہیں منصوبے کو چلانے کیلئے ساڑھے پانچ ارب روپے سالانہ سبسڈی دی جائے گی ، شہری علی ٹاون سےڈیرہ گجراں تک صرف چالیس روپے خرچ کرکے منزل پر پہنچ جائیں گے،صوبائی وزیر ٹرانسپورٹ کہتے ہیں ٹرین میں روزانہ اڑھائی لاکھ لوگ سفر کرسکیں گے، ہر اسٹیشن پر ٹرین پانچ منٹ کیلئے رکے گی۔
جنرل مینیجر ماس ٹرانزٹ اتھارٹی کے مطابق ٹرین کو چھ گرڈ اسٹیشنز سے بجلی کی سپلائی دی جائے گی ،جس پر سالانہ تقریباً ایک ارب نوے کروڑ روپے کا بل آئے گا، ان کا کہنا تھا کہ ایسا سسٹم بنایا گیا ہے ایک گرڈ اگر خراب ہوا تو دوسرا سے بجلی فراہمی کا نظام ہے اس ٹرین کا ایک چکر پر چودہ سے سولہ ہزار بجلی کا خرچ آتا ہے، اورنج لائن ٹرین پرڈیرہ گجراں، داروغہ والا، شالامار چوک، میکلورروڈ ، ہائیکورٹ چوک ، مزنگ چوک،چوبرجی اور ملتان روڈ ٹھوکر کے اسٹیشنوں سے شہری سوار ہوسکیں گے۔