وزارت خزانہ نے ماہانہ اکنامک آؤٹ لک رپورٹ جاری کردی۔

تفصیلات کے مطابق وزارت خزانہ نے ماہانہ اکنامک آؤٹ لک رپورٹ جاری کردی جس کے تحت رواں مالی سال کے پہلے تین ماہ میں برآمدات میں 10.5 فیصد کمی آئی ہے۔

وزارت خزانہ کی جانب سے کاری کی گئی رپورٹ کے مطابق تین ماہ میں درآمدات میں بھی 3.8 فیصد کی کمی ریکارڈ کی گئی جبکہ تین ماہ میں ترسیلات زر میں 31.8 فیصد کا اضافہ ہوا۔

رپورٹ میں کہا گیا ہے کہ تین ماہ میں بیرونی سرمایہ کاری میں مجموعی طور پر 23.8 فیصد کی کمی ہوئی جبکہ تین ماہ میں ایف بی آر محصولات میں 4.7 فیصد کا اضافہ ریکارڈ کیا گیا۔

رپورٹ میں یہ بھی کہا گیا ہے کہ تین ماہ میں نان ٹیکس ریونیو میں 71.4 فیصد کا اضافہ ہوا جبکہ حکومتی اخراجات میں مجموعی طور پر 17.3 فیصد کی کمی ہوئی۔

وزارت خزانہ کی جاری رپورٹ میں مزید کہا گیا ہے کہ مالی خسارے میں 16.8 فیصد کی کمی ریکارڈ کی گئی اور رواں مالی سال کی پہلے تین ماہ میں مہنگائی کی شرح 8.84 فیصد تک رہی۔