پاکستان کی نمبر ون ٹک ٹاک اسٹار جنت مرزا نے جعلی ٹوئٹر اکاؤنٹ کی تردید کردی۔

تفصیلات کے مطابق ٹک ٹاک اسٹار جنت مرزا نےایک بار پھر فوٹو اینڈ ویڈیو شیئرنگ ایپ انسٹاگرام پراسٹوری میں اپنے چاہنے والوں کے لیے ایک خصوصی پیغام جاری کیا ہے۔

مزید پڑھیں

میری زبان سے نکلا ہر جملہ نیوز چینلز کی ہیڈ لائنز بنے گا، جنت مرزا

پاکستان کی ٹک ٹاک اسٹار جنت مرزا نے کہا کہ مجھے نہیں معلوم...

جنت مرزا نے انسٹاگرام اسٹوری میں اپنے نام سے منسوب جعلی ٹوئٹر اکاؤنٹ کا اسکرین شاٹ شیئر لیا جس پر ٹوئٹ کیا گیا تھا کہ جاپان کے لوگ پاکستانی عوام سے زیادہ بہتر ہیں۔

جنت مرزا نے لکھا کہ میرے نام کا استعمال کرکے نفرت پھیلانا بند کریں کیونکہ یہ میرا اکاؤنٹ نہیں ہے۔

انہوں نے بتایا کہ ’ٹوئٹر اور فیس بُک پر میرا کوئی اکاؤنٹ نہیں ہے۔‘

یاد رہے کہ اس سے قبل جنت مرزا نے انسٹاگرام اسٹوری میں لکھا تھا کہ اُن کو نہیں معلوم تھا کہ اُن کی زبان سے نکلا ہر جملہ نیوز چینلز کی ہیڈ لائنز بنے گا۔