پاکستان شوبز انڈسٹری کی نامور اداکارہ نیلم منیر نے اپنے آئیڈیل کے بارے میں بتا دیا۔

اداکارہ نیلم منیر نے فوٹو اینڈ ویڈیو شیئرنگ ایپ انسٹاگرام  پر ایک پوسٹ کی جس میں اداکارہ نے بانی پاکستان قائد اعظم محمدعلی جناح کو اپنا آئیڈیل قرار دیا۔

مزید پڑھیں

نیلم منیر کا مداحوں کے لیے معنی خیز پیغام جاری

پاکستان شوبز انڈسٹری کی معروف اداکارہ نیلم منیر نے سوشل میڈیا پر...

نیلم منیر نے انسٹاگرام پر بانی پاکستان قائداعظم محمد علی جناح کے ایک خطاب ویڈیو پوسٹ کی ہے۔

نیلم منیر کی جانب سے پوسٹ کی جانے والی ویڈیو میں قائداعظم محمد علی جناح اعلان کر رہے ہیں کہ ’پاکستان کی قومی زبان اُردو ہے۔‘

ویڈیو میں دیکھا جا سکتا ہے کہ قائد اعظم محمد علی جناح نے کہا کہ جو بھی آپ کو گمراہ کرنے کی کوشش کرتا ہے وہ واقعتاً پاکستان کا دشمن ہے۔

بانی پاکستان نے فرمایا کہ ’ایک زبان کے بغیر کوئی قوم متحد نہیں رہ سکتی۔‘

نیلیم منیر کی جانب سے پوسٹ کی جانے والی ویڈیو کی کیپشن میں اداکارہ نے لکھا کہ قائدِ اعظم محمد علی جناح میری سب سے پسندیدہ شخصیت اور میرے آئیڈل ہیں۔

دوسری جانب اداکارہ نیلم منیر کی اس پوسٹ کو سوشل میڈیا صارفین کی جانب سے خوب سراہا جارہا ہے۔

اس بات کا اندازہ پوسٹ پر ہزاروں لائکس سے لگایا جاسکتا ہے۔

اس سے قبل نیلم منیر نے انسٹاگرام پر مداحوں کے لیے معنی خیز پیغام جاری کرتے ہوئے کہا تھا کہ آزمائش مشکلات کا نہیں بلکہ کامیابی کا سبب بنتی ہیں۔