پاکستان کے نامور اداکارعدنان صدیقی نے سلطنت عثمانیہ کی بنیاد رکھنے والے ’ارطغرل غازی‘ کے مقبرے پر حاضری دے دی۔

اداکارعدنان صدیقی کی ’ارطغرل غازی‘ کے مقبرے پر حاضری دینے کی ویڈیو سوشل میڈیا پر وائرل ہوگئی ہے۔

See more

دوسری جانب اداکار آج کل تُرکی میں موجود ہیں اور سلطنت عثمانیہ کی بنیاد رکھنے والے۔

اداکار نے انسٹاگرام پر اپنی ایک ویڈیو پوسٹ کی ہے جس میں اداکار سلطنت عثمانیہ کے بنیاد رکھنے والے ’ارطغرل غازی‘ کے مقبرے پر موجود ہیں۔

عدنان صدیقی کی جانب سے پسٹ کی جانے والی ویڈیو بناتے ہوئے کیپشن میں لکھا کہ ’آج کل پاکستان میں ایک بڑی تعداد میں ارطغرل غازی کے مداح موجود ہیں اور ہر ایک ان سے متعلق بہت کچھ جاننا چاہتا ہے لہٰذا میں اسی سلسلے میں آج ارطغرل غازی کے مقبرے پر حاضری دینے آیا ہوں۔‘

عدنان صدیقی نے لکھا کہ ’ارطغرل غازی قائی قبیلے کے سردار تھے جنہوں نے اسلام کی خاطر بہت سی قربانیاں دیں اور فتح اپنے نام کی، اُنہوں نے مسلمانوں اور غیر مسلمانوں دونوں کے لیے ایک ایسی ریاست بنانا چاہی تھی جہاں خوشحالی ہو اور جہاں ہر ایک کو انصاف ملے۔‘

اداکار نے لکھا کہ ’جب میں نے ارطغرل غازی کا مقبرہ دیکھا تھا تو حیران رہ گیا کیونکہ میں نے سوچا تھا کہ ان کا مزار ایک بہت بڑی جگہ پر ہوگا لیکن ایسا بالکل نہیں ہے اُن کا مقبرہ سادہ اور چھوٹی سی جگہ پر بنا ہوا ہے اور یہ مقبرہ ارطغرل غازی کی عظمت اور سادگی کو بیان کرتا ہے۔‘

واضح رہے کہ اس سے قبل عدنان صدیقی نے ترک سیریز ’دیرلیش ارطغرل غازی‘ بنانے والی کمپنی کے آفیشلز سے ملاقات کی تھی۔