چیئرمین سینیٹ صادق سنجرانی سے وزیرخارجہ شاہ محمود قریشی کی ملاقات ہوئی ہے۔

تفصیلات کے مطابق چیئرمین سینیٹ صادق سنجرانی سے وزیر خارجہ شاہ محمود قریشی کی ملاقات میں باہمی دلچسپی کے امور پر تبادلہ خیال کیا گیا۔

ملاقات میں چیئرمین سینیٹ صادق سنجرانی نے آئی پی یو الیکشن کے حوالے سے آگاہ کیا۔

واضح رہے گزشتہ روز سابق افغان وزیر اعظم اور حزب اسلامی افغانستان کے سربراہ تین روزہ دورے پر اسلام آباد پہنچے تو وزیراعظم کے نمائندہ خصوصی برائے افغانستان محمد صادق خان نے دفتر خارجہ کے حکام کے ہمراہ ان کا استقبال کیا تھا۔

دفترخارجہ میں گلبدین حکمت یار اور وزیرخارجہ شاہ محمود قریشی کی ملاقات میں پاک افغان دوطرفہ ‏تعلقات، افغانستان میں قیام امن کے لیے جاری بین الافغان مذاکرات سمیت باہمی ‏دلچسپی کےامورپرتبادلہ خیال کیا گیا تھا۔

اس موقع پرشاہ محمود قریشی نے کہا کہ وزیراعظم عمران خان نے واضح طورپر کہا تھا کہ افغان ‏‏مسئلے کے دیرپا حل کا واحد راستہ، افغانوں کو قابل قبول سیاسی مذاکرات ہیں،خوشی ہے کہ آج عالمی سطح پر پاکستان کے موقف کو سراہا جا رہا ہے، بین الافغان ‏‏مذاکرات کی صورت میں افغان قیادت کے پاس افغانستان میں امن کی بحالی کا ایک نادر ‏‏موقع ہے۔