سماجی کارکن شنیرا اکرام نے کراچی کے ساحلِ سمندر پر موجود گندگی کو دیکھ کر شدید برہمی کا اظہار کیا ہے۔

تفصیلات کے مطابق شنیرا اکرم نے کراچی کے ساحل پر موجود کچرے اور گندگی کو دیکھنے کے بعد سماجی رابطے کی ویب سائٹ ٹوئٹر پر ٹوئٹ کرتے ہوئے لکھا کہ ’ہم کراچی کے ساحل کو بار بار صاف کرکے تھک چکے ہیں۔

سابق کرکٹر کی اہلیہ نے لکھا کہ ہر بار صاف کرنے کے باوجود بھی شہر بھر کا کچرا اور سیوریج کا گندا پانی کراچی کے ساحل میں شامل کردیا جاتا ہے۔

اُنہوں نے لکھا کہ بس اب بہت ہوگیا ہے میں اب کراچی کے ساحل پر نہیں جا رہی ہوں۔

دوسری جانب شنیرا اکرم نے لکھا کہ یہ ہمارے ملک پاکستان کے لیے شرمندگی کی بات ہے، ہمیں شرم آنی چاہیے کہ ہم اپنے ہی ملک کو گندا کر رہے ہیں۔

یاد رہے کہ گزشتہ سال شنیرا نے کراچی کے ساحل پر گندگی اور سرنجوں کی موجودگی کا انکشاف کیا تھا جس کے بعد کراچی کے ساحل پر پھینکی گئیں سرنجیں اُٹھالی گئی تھیں۔