پاکستان کی معروف ٹک ٹاک اسٹار جنت مرزا نے ٹک ٹاک پر سب کو پیچھے چھوڑ دیا۔

تفصیلات کے مطابق ٹک ٹاک اسٹار جنت مرزا ٹک ٹاک پر ایک کروڑ فالوورز رکھنے والی پہلی پاکستانی ٹک ٹاک اسٹار بن گئیں ہیں۔

مزید پڑھیں

کیا جنت مرزا ٹک ٹاک چھوڑنے کا ارادہ رکھتی ہے؟

پاکستان کی ٹک ٹاک اسٹار جنت مرزا کا اہم اعلان مداح حیران...

جنت مرزا کا تعلق پاکستان کے شہر فیصل آباد سے ہے۔

یاد رہے جنت مرزا نے نمبر ون ٹک ٹاک ماڈل ہونے کا اعزاز بھی اپنے نام کرلیا ہے۔

اس حوالے سے جنت مرزا نے خوشی کا اظہار کرتے ہوئے کہا کہ یقین نہیں ہورہا کہ واقعی ایسا ممکن ہوسکتا ہے۔

جنت مرزا کا کہنا تھا کہ کبھی نہیں سوچا تھا کہ میں شوق شوق میں یہاں پہنچ جاؤں گی۔

انہوں نے مزید کہا کہ جب آپ  کسی سے حسد نہیں کرتے تو صلہ مل ہی جاتا ہے۔

ٹک ٹاک اسٹار کا کہنا تھا کہ ٹک ٹاک ان کا شوق ہے اور یہ ایک اچھی مصروفیت بھی ہے۔

دوسری جانب جنت مرزا نے ٹک ٹاک پر 854 ویڈیوز اپلوڈ کی ہیں جن کو پسند یا لائک کرنے والوں کی تعداد کروڑوں میں ہے۔

جنت مرزا نے بتایا کہ تین سالوں میں ایک کروڑ فالوورز ہونا ان کے لیے اعزاز کی بات ہے اور اس وقت وہ پاکستان میں فالوورز کے حوالے سے ٹک ٹاک میں پہلے نمبر پر بھی آگئیں ہیں۔

خیال رہے کہ حال ہی میں جنت مرزا نے بلال سعید کے گانے ’شاعر‘ کی ویڈیو میں محمد علی جوش کے ساتھ میوزک ویڈیو میں ڈیبیو کیا تھا۔

یہ خبریں بھی زیر گردش ہیں کہ معروف پاکستانی فلم ساز سید نور ملک میں پنجابی فلم سنیما کی بحالی میں کردار ادا کرتے ہوئے جلد ایک نئی فلم شائقین کے لیے پیش کریں گے جس کی ہیروئن کا کردار ٹک ٹاک اسٹار جنت مرزا ادا کریں گی۔