پاکستان کی معروف ٹک ٹاکر جنت مرزا نے پاکستان میں ٹک ٹاک پر پابندی کی حمایت کردی ہے۔

تفصیلات کے مطابق جنت مرزا نے بتایا کہ میں جاپان میں موجود ہوں اور اس ہی دوران مجھے پاکستان سے ٹک ٹاک پر پابندی کی خبر موصول ہوئی ہے۔

مزید پڑھیں

ٹک ٹاک اسٹار جنت مرزا نے تمام ریکارڈ توڑدیئے

پاکستان کی معروف ٹک ٹاک اسٹار جنت مرزا نے ٹک ٹاک پر...

اس حوالے سے ٹک ٹاک اسٹار نے اپنی رائے دی اور کہا کہ میں خود چاہ رہی تھی کہ پاکستان میں ٹک ٹاک پر پابندی لگے۔

انہوں نے کہا کہ مکمل ایس او پیز کے ساتھ ٹک ٹاک پر پابندی ہٹائی جانی چاہیے۔

جنت مرزا نے کہا کہ پاکستان میں ٹک ٹاک کی ٹیم ہونی چاہیے  جو ہر ویڈیو کو پوسٹ سے پہلے ریویو کرے۔

انہوں نے کہا کہ اس طرح ٹیلنٹ کو فروغ دینے میں بھی مدد ملے گی۔

اس سے قبل یاد رہے پاکستان کی معروف ٹک ٹاک اسٹار جنت مرزا نے ٹک ٹاک پر بڑی کامیابی حاصل کر لی۔

ٹک ٹاک ماڈل اور فلمسٹار جنت مرزا کے ٹک ٹاک پر دس ملین فالووز ہو گئے ہیں۔

جنت مرزا کے مرد و خواتین سمیت کسی بھی پاکستانی ٹک ٹاک اسٹارز میں سب سے زیادہ فالوورز ہیں۔

دوسری جانب جنت مرزا آج کل جاپان کے دورے پر ہیں اور یہاں سے بنائی جانے والی ٹک ٹاک ویڈیوز کے ذریعےوہ دنیا بھر میں موجود اپنے مداحوں کو جاپان کی معلوماتی اور دلچسپ ٹک ٹاک ویڈیوز کےذریعے محظوظ کررہی ہیں۔

یاد رہے گزشتہ روز جنت مرزا کے ایک کروڑ فالوورز مکمل ہئے ہیں۔

ایک کروڑ فالوورز مکمل ہونے کی خوشی میں پاک جاپان بزنس کونسل کے صدر رانا عابد حسین نے جنت مرزا اور اُن کی فیملی کے اعزاز میں خصوصی تقریب کا انعقاد کیا جس میں جاپان کی اہم سماجی اور کاروباری شخصیات نے شرکت کی۔

جنت مرزا نے بتایا کہ اُن کی سید نور کی ہدایات میں بننے والی فلم تکمیل کے آخری مراحل میں ہے۔

ٹک ٹاک اسٹار نے بتایا کی اس فلم میں صائمہ سمیت دیگر معروف فنکاروں نے کام کیا ہے۔

علاوہ ازیں جنت مرزا نے ایک میوزک ویڈیو میں بھی کام کیا ہے جس نے ریکارڈ کامیابی حاصل کی۔

اس گانے کو صرف دو ہفتوں میں 20 ملین افراد نے سوشل میڈیا پر دیکھا ہے۔

اس حوالے سے جنت مرزا نے کہا کہ آج کل سوشل میڈیا انتہائی موثر اور طاقت ور میڈیم کی شکل اختیار کرچکا ہے جس میں ہر شخص جس میں ذرا بھی ٹیلنٹ ہے وہ دنیا بھر میں اپنی شناخت بنا سکتا ہے۔

جنت مرزا نے کہا کہ انہوں نے شوقیہ طور پر ٹک ٹاک ویڈیوز بنانا شروع کی۔

ٹک ٹاک اسٹار نے بتایا کہ دیکھتے ہی دیکھتے کامیاب ہوتی گئی اور سید نور صاحب اور صائمہ جی نے خود اُن سے رابطہ کیا اور فلم میں کام کرنے کی پیشکش کر دی۔

انہوں نے بتایا کہ شروع میں والدین نے اجازت نہیں دی تاہم سید نور صاحب نے خود والد سے رابطہ کرکے درخواست کی کہ اُن کی فلم ایک فیملی فلم ہوگی۔

 جبکہ شوٹنگ کا ماحول بھی بالکل صاف ستھرا رکھا جائے گا، جس کے بعد والد صاحب کی اجازت سے فلم میں کام کرنا شروع کیا۔

جنت مرزا نے بتایا کہ فلم کی شوٹنگ کے دوران والدہ بھی ساتھ ہی ہوتی ہیں۔

جنت مرزا نے بتایا کہ اُن کی چھوٹی بہن الشبہ مرزا بھی ایک معروف ٹک ٹاک اسٹار ہیں اور پاکستان میں تیسرے نمبر پر ہیں جبکہ اُن کی بڑی بہن سحر مرزا یوٹیو ب کی معروف بلاگر ہیں۔