اسلام کی خاطر بالی ووڈ سے کنارہ کشی اختیار کرنے والی اداکارہ ثنا خان عمرے پر جانے کی خواہش کا اظہار کر دیا۔

ثنا خان نے فوٹو اینڈ ویڈیو شیئرنگ ایپ انسٹاگرام پر سات ماہ بعد کعبہ شریف میں ہونے والی نماز کی تصاویر پوسٹ کی ہے۔

مزید پڑھیں

بھارتی اداکارہ ثناء خان نے اسلام کی خاطر شوبز چھوڑ دیا

بالی ووڈ کی معروف اداکارہ ثناء خان نے اسلام کی خاطر شوبز...

سابق اداکارہ کی جانب سے پوسٹ کی جانے والی تصویر کی کیپشن میں ثنا خان نے کعبہ شریف جانے کا ارادہ ظاہر کیا ہے۔

‘بگ باس’ شو سے شہرت پانے والی ثنا خان نے رواں ماہ  اسلام کی خاطر بالی ووڈ اور اداکاری چھوڑنے کا اعلان کیا تھا۔

سوشل میڈیا پلیٹ فارم انسٹاگرام پر ایک پوسٹ میں جمعرات کو ثنا خان نے لکھا ہے کہ وہ انسانیت کی خدمت اور اپنے خالق کے حکم کی پیروی کرنا چاہتی ہیں ،اسی لیے شوبز کو خیر باد کہہ رہی ہیں۔

ثنا خان نے تین زبانوں ہندی، اردو اور انگریزی میں جاری تفصیلی پوسٹ میں اپنے فالوورز کو مخاطب کرتے ہوئے کہا ہے کہ وہ زندگی کے ایک اہم موڑ پر ہیں۔ گزشتہ کئی دن سے وہ اپنے وجود کے اصل مقصد پر غور کر رہی تھیں۔

See more

ان کا کہنا تھا کہ وہ طویل عرصے سے یہ سوچ رہی تھیں کہ کیا انسان کے اس دنیا میں آنے کا اصل مقصد صرف دولت اور شہرت کا پیچھا کرنا ہے؟ کیا یہ اس کے فرائض کا حصہ نہیں کہ وہ اپنی زندگی ناداروں کی خدمت میں گزارے؟

یاد رہے کہ اس سال مارچ میں کورونا وائرس کی عالمی وبا کے پھیلنے کے تناظر میں حرم شریف میں عبادات کے حوالے سے بعض پابندیاں عائد کی گئی تھیں۔

رواں ماہ کی 18 تاریخ کو سرکاری میڈیا نے بتایا کہ آج حرم شریف میں پہلی مرتبہ فجر کی نماز میں زائرین کی بڑی تعداد نے شرکت کی۔

خیال رہے کہ حرم شریف میں 75 فیصد گنجائش کے مطابق اجازت نامے جاری کیے جا رہے ہیں۔

محدود عمرہ پروگرام کے دوسرے مرحلے میں دو لاکھ 20 ہزار عمرہ زائرین اور 5 لاکھ 60 ہزار نمازی مسجد الحرام آئیں گے۔

جبکہ دوسرا مرحلہ 14 روز تک جاری رہے گا۔