آرمی چیف جنر قمر جاوید باجوہ سے سوئٹزرلینڈ کے سفیر بینیڈکٹ ڈی سیرجٹ کی ملاقات ہوئی ہے۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق آرمی چیف جنرل قمر جاوید باجوہ سے سوئٹزرلینڈ کے سفیر بینیڈکٹ ڈی سیرجٹ نے ملاقات کی، جس میں باہمی دلچسپی کے امور، خطے کی سیکیورٹی صورتحال پر تبادلہ خیال کیا گیا۔

  ترجمان آئی ایس پی آر نے کہا کہ ملاقات میں سوئس سفیر نے خطے میں تنازعات کی روک تھام کے لیئے پاکستان کے کردار کو سراہا۔

 ترجمان آئی ایس پی آر نے مزید کہا کہ سوئٹزرلینڈ کے سفیر بینیڈکٹ ڈی سیرجٹ نے دونوں ممالک کے درمیان تعلق کو مزید مضبوط بنانے کے عزم کو دہرایا اور کہا کہ پاکستان نے خطے میں امن اور تنازعات سے بچنے کے لیے شاندار کردار ادا کیا ہے۔