معاون خصوصی برائے سیاسی ابلاغ ڈاکٹر شہباز گِل نے کہا ہے کہ نانا اور والدہ کے نام کے علاوہ بلاول کی اپنی کوئی شناخت نہیں۔

تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے بلاول زرداری کے بیان پر ردعمل دیتے ہوئے کہا کہ عوام کو ماضی میں سہانے خواب دکھا کر لوٹنے والے اب عوام کی عدالت میں ہیں۔

معاون خصوصی برائے سیاسی ابلاغ نے کہا کہ پیپلزپارٹی دور میں ملکی تاریخ کے بڑے کرپشن اسکینڈلز سامنے آئے جبکہ بلاول کارکردگی صرف اور صرف بھٹو کا نام ہے۔

ڈاکٹر شہباز گِل نے یہ بھی کہا کہ بھٹو نے وژن کے برعکس انہوں نے عوام سے روٹی کپڑا مکان چھینا جبکہ انکی کارکردگی ہمیشہ باتوں اور میڈیا ٹاکس تک محدود رہی۔

معاون خصوصی برائے سیاسی ابلاغ ڈاکٹر شہباز گِل نے مزید کہا کہ بلاول ایسی جمہوریت چاہتے ہیں جس میں ہر وزیر ہر مشیر زرداری صاحب کیلئے مال بنائے لیکن اب کی بار عوام آپکے جھانسے میں نہیں آئیں گے۔