پاکستان تحریک انصاف کے رہنما سینیٹر فیصل جاوید نے کہا ہے کہ اپوزیشن کا جلسہ شادی کے ولیمے جیسا ہوگا۔

پاکستان تحریک انصاف کے رہنما سینیٹر فیصل جاوید نے اپوزیشن کے جلسے پر تبصرہ کرتے ہوئے کہا کہ حکومت کو اپوزیشن کے جلسہ سے کوئی پریشانی نہیں بلکہ حکومت اپوزیشن کے جلسہ سے لطف اندوز ہورہی ہے۔

پاکستان تحریک انصاف کے رہنما نے کہا کہ اپوزیشن جو نمبر ڈائل کررہی ہے وہ عوامی خدمت میں مصروف ہے تین سال انتظار کریں لیکن اپوزیشن کے جلسہ کی اچھی بات یہ ہے کرسیاں ایس او پیز کے مطابق رکھی ہیں۔

سینیٹر فیصل جاوید نے یہ بھی کہا کہ گیارہ پارٹیاں بمقابلہ ایک عمران خان ہے، شاہ محمود قریشی کے زریعے 34 نکات پر مشتمل مفاہمتی آرڈیننس بھیجا ہے۔

پاکستان تحریک انصاف کے رہنما سینیٹر فیصل جاوید نے مزید کہا کہ اپوزیشن کرسیوں کے نیچے سے این آر او ڈھونڈ رہے ہیں اور اگرعمران خان آج این آراو پر مان جائیں جلسوں کی ضرورت نہیں پڑے گی۔