حریت رہنما یاسین ملک کی اہلیہ مشعال ملک نے کہا ہے کہ جمہوریت کا دعویٰ دار بھارت دہشت گرد ملک ہے۔

تفصیلات کے مطابق حریت رہنما یاسین ملک کی اہلیہ مشعال ملک نے اپنے ایک بیان میں کہا کہ بھارتی فورسز نے کشمیریوں کو بھیڑ بکری سمجھ رکھا ہے۔

حریت رہنما یاسین ملک کی اہلیہ مشعال ملک نے کہا کہدنیا میں جانوروں کے لیے قوانین موجود ہیں لیکن کشمیر میں انسانوں کے لیے بھی کوئی قانون موجود نہیں۔

مشعال ملک نے یہ بھی کہا کہ سرینگر میں بھارتی فورسز نے کشمیری نوجوان کو گاڑی تلے کچل ڈالا جبکہ بھارتی فورسز نے پہلے بھی کئی کشمیری نوجوان کو گاڑی تلے روند کر شہید کیا۔

حریت رہنما یاسین ملک کی اہلیہ مشعال ملک نے مزید کہا کہ بھارتی فوج ریاستی دہشتگردی کی مرتکب یے، اقوام متحدہ بھارتی فوج کی کشمیر میں دہشتگردی بند کروائے۔

واضح رہے اس سے قبل حریت رہنما یاسین ملک کی اہلیہ نے کہا تھا کہ بھارتی فورسز سرچ آپریشن کے نام پر کشمیری نوجوانوں کو قتل اور گرفتار کررہی ہے، سری نگر کے علاقے رامباغ میں دو کشمیری نوجوانوں کے قتل کی مذمت کرتے ہیں۔

مشعال ملک نے یہ بھی کہا تھا کہ بھارتی فورسز کے وحشیانہ ہتھکنڈے بہادر کشمیری عوام کی ہمت کم نہیں کریں گے جبکہ بھارتی سرکار کی غیر قانونی حرکتوں اور مظالم کی نئی لہر سے حق خود ارادیت تحریک مزید ابھرے گی۔

حریت رہنما یاسین ملک کی اہلیہ نے مزید کہا تھا کہ کوئی بھی چیز انہیں خود ارادیت کے خواب کو عملی جامہ پہنانے سے روک نہیں سکتی ہے، ہندوستان کی غیر انسانی قوتیں سرچ آپریشن کے نام پر بے گناہ کشمیریوں کو نشانہ بنارہی ہیں۔