پاکستانی نژاد کینیڈین یوٹیوبر اور کامیڈین زید علی نے شادی سے متعلق معنی خیز پیغام جاری کر دیا۔

کامیڈین زید علی نے سماجی رابطے کی ویب سائٹ انسٹاگرام پر ایک تصویر پوسٹ کی ہے۔

مزید پڑھیں

زید علی نے اپنی اہلیہ یمنیٰ کو کوئین قرار دے دیا

برطانوی یو ٹیوبر زید علی نے اپنی اہلیہ یمنیٰ کو کوئین قرار...

See more

یاد رہے کہ انٹرنیٹ پر اپنی مزاحیہ ویڈیو سے شہرت حاصل کرنے والے پاکستانی نژاد کینیڈین اسٹار زید علی نے اگست 2017ء میں یمنیٰ سے شادی کی۔

زید علی کی جانب سے پوسٹ کی جانے والی تصویر کی کیمشن میں یوٹیوبر نے لکھا کہ لوگ جلد شادی کرنے سے خوفزدہ دکھائی دیتے ہیں حالانکہ ایک عورت اپنے ساتھ آپ کا رزق لے کر آتی ہے۔

انہوں نے اپنی سوشل میڈیا پوسٹ میں اہلیہ کے ہمراہ تصویر شیئر کرتے ہوئے لکھا کہ بہت سارے لوگ نوجوانی میں شادی کرنے سے خوفزدہ دکھائی دیتے ہیں۔

یوٹیوبر زید علی نے کہا کہ ایسے لوگوں کا ماننا ہے وہ معاشی طور پر جلد شادی کے متحمل نہیں ہوسکیں گے۔

انہوں نے کہا کہ لیکن وہ بھول جاتے ہیں کہ ایک عورت اپنی زندگی میں اپنا رزق ساتھ لے کر آتی ہے، اس سے بڑی کوئی برکت نہیں ہے۔

زید علی نے اختتام میں لکھا کہ میں نے خود سے یہ مشاہدہ کیا ہے کہ جو اللّٰہ سبحان تعالیٰ کی جانب سے آپ کے نصیب میں لکھ دیا گیا ہے وہ آپ کو مل کر رہے گا۔