چیئرمین سینیٹ محمد صادق سنجرانی نے ایچ ای سی اور این ایچ اے کے حکام سے ملاقات کی۔

ملاقات میں حکام نے چیئرمین سی کو چاغی میں جاری منصوبوں سے متعلق پیش رفت کے بارے میں تفصیل سے آگاہ کیا جبکہ چیئرمین سینیٹ کوچاغی میں نئی سڑکوں کی تعمیر اور عمرخان سنجرانی منرل یونیورسٹی نوکنڈی کے قیام کے حوالے سے بھی بریفنگ دی۔

ایچ ای سی کے حکام نے کہا کہ منرل یونیورسٹی کی عمارت اور ڈیزائن سے متعلق ٹینڈر رواں ماہ کے آخر تک جاری کر دیا جائے گا جبکہ ٹینڈر کے ایوارڈ کے تین ماہ کے اندر ڈیزائن کی تکمیل یقینی بنائی جائے گی۔

این ایچ اے کے حکام نے کہا کہ نوکنڈی سے ماشکیل اور دالبند ین سے زیارت بلا نوش کی سڑکوں کی تعمیر کے ٹینڈر آئندہ ہفتے جاری کر دیئے جائیں گے جبکہ ٹینڈرنگ کا عمل مکمل ہوتے ہی کام کا آغا ز کر دیا جائے گا۔

چیئرمین سینیٹ نے ہدایت کی کہ مواصلات کے منصوبوں کی تکمیل کے دوران معیار کو یقینی بنایا جائے۔

چیئرمین سینیٹ محمد صادق سنجرانی نے نیشنل ہائی وے اتھارٹی اور ہائیر ایجوکیشن کمیشن کے حکام کو ہدایت کی کہ ہے کہ بلوچستان کے علاقے چاغی میں جاری مواصلات اور تعلیم سے متعلق ترقیاتی منصوبے جلد مکمل کئے جائے۔