بھارتی اداکارہ مشتی مکھرجی ڈائٹنگ کرنے کی وجہ جان سے ہاتھ دھوبیٹھیں۔

ٖغیر ملکی خبر رساں ادراے کے مطابق 27 سالہ اداکارہ مشتی مکھرجی کیٹو ڈائٹنگ کرنے کے باعث گردے فیل ہونے کی وجہ سے اپنی زندگی گنوا بیٹھیں۔

اس حوالے سےاداکارہ کے گھروالوں کا کہنا ہے کہ کیٹو ڈائٹنگ کرنے کی وجہ سے ان کے دونوں گردے فیل ہوگئے تھے جس کی وجہ سے اداکارہ کی بے وقت موت ہوئی۔

مشتی مکھرجی نے بنگلورو کے ایک اسپتال میں اپنی زندگی کی آخری سانسیں لیں اور موت کے وقت مشٹی مکھرجی بے حد درد اور تکلیف میں تھیں۔

مشتی مکھرجی تیلگو اور بنگالی فلموں کے علاوہ بالی ووڈ فلموں میں بھی کام کرچکی تھیں انہوں نے 2012 میں’’لائف کی تو لگ گئی‘‘ فلم سے بالی ووڈ میں ڈیبیو کیا تھا۔

واضح رہے کہ کیٹوجینک ڈائٹ  سےابتدا میں تو وزن کافی کم ہوجاتا ہے لیکن کچھ عرصہ گزرنے کے بعد اس ڈائٹنگ کے جسم پر بہت برے اثرات مرتب ہونا شروع ہوجاتے ہیں جس میں بال، ناخن اور جلد خراب ہونا شروع ہوجاتی ہے اس کے علاوہ اس ڈائٹنگ کا گردوں پر بھی بہت دباؤ پڑتا ہے اور گردے میں پتھری ہوسکتی ہے۔