سیلیبرٹیز ہر وقت اتنی خوبصورت اور تروتازہ کیوں نظر آتی اس بارے میں اہم راز سامنے آگئے۔

یہ حقیقت ہے کہ خوبصورتی قدرت کی عطا کردہ ہوتی ہے لیکن اسے برقرار رکھنا اور اس میں نِکھارلانا انسان کے اپنے ہاتھ میں ہوتا ہے۔

مزید پڑھیں

میگھن مارکل کی تصویر وائرل

میگھن مارکل کی تصاویر سوشل میڈیا پر تیزی سے وائرل ہورہی ہے...

تاہم سیلیبرٹیز ایسا کیا کرتی جس سے وہ حسین اور خوبصورت نظر آتی ہیں، وہ آج آپ ک وبتاتے ہیں۔

   میگھن مارکل

سابقہ ہالی ووڈ اداکارہ، جوکہ برطانوی شہزادے ہیری سے شادی کے بعد شاہی خاندان کا حصہ بن چکی ہیں۔

میگھن مارکل نے نتایا کہ ان کے روزانہ کے پسندیدہ اسمودی میں ایک پیکٹ پروٹین سے بھرپور شیک پاؤڈر، آدھا کپ منجمد(Frozen) بلیو بیریز، ایک چمچ الائچی، ایک چمچ تخم بلنگا، آدھا کپ بادام کا دودھ اور آدھا کپ ناریل کا پانی شامل ہوتا ہے۔

کیئرنن شپکا

کیئرنن شپکا Netflixکی 19سالہ اُبھرتی ہوئی اداکارہ ہیں۔

دیگر سیریز کے علاوہ ہارر سیریز Chilling Adventures of Sabrinaان کی خاص وجہ شہرت ہے۔ اپنے ایک انٹرویو میں کیئرنن شپکا نے بتایا کہ وہ اپنے دن کا آغاز کافی کے بجائے matcha latteسے کرتی ہیں۔ ماچا، جاپان کی ایجاد ہے، جو سبز چائے کا نعم البدل ہے۔ تاہم اس کے فوائد سبز چائے کے مقابلے میں کہیں زیادہ بتائے جاتے ہیں۔ کیئرنن شپکا، ماچا کے ایک کپ میں اسگندھ، کارڈیسیپ اور مشروم پاؤڈر شامل کرتی ہیں اور اس کے ایک کپ سے بھرپور لطف اندوز ہوتی ہیں۔

یارا شہیدی

یارا شہیدی ایک اُبھرتی ہوئی امریکی اداکارہ، ماڈل اور سماجی کارکن ہیں۔

یارا شہیدی کی فلاسفی سادہ ہے،’اپنی رنگت کا اندر سے خیال رکھو‘ اور اس کا ایک طریقہ بہت زیادہ جوسز کا استعمال ہے۔

یارا شہیدی نے بتایا کہ میں اکثر ادرک، لیموں، چقندربند گوبھی ، پودینہ اور ہلدی کا جوس بناتی ہوں اور اگر کبھی میٹھے کی طلب محسوس ہورہی ہو تو اس میں گاجر بھی شامل کرلیتی ہوں۔

اداکارہ یارا شہیدی اپنی جِلد کی خوبصورتی کے لیے الائچی کا بھی استعمال کرتی ہیں۔

گائنتھ پالٹرو

ہالی ووڈ کی 46سالہ خوبصورت اداکارہ گائنتھ پالٹرو ہر صبح ویگان اسمودی (Vegan Smoothie)تیار کرتی ہیں اور اس اسمودی کا نام Adaptogenic Proteinہے۔

اگر آپ یہ اسمودی اپنے گھر پر تیار کرنا چاہتی ہیں تو اس کے لیے آپ کو درج ذیل اشیا کی ضرورت ہوگی:

ایک کپ بادام کا دودھ، ایک چمچ بادام کا مکھن، ایک چمچ ناریل کا تیل، دو چمچ ونیلا مشروم پروٹین پاؤڈر، ایک چمچ جیفل (Maca)،ایک چمچ اسگندھ (Ashwagandha)، ایک چمچ He Shou Wu(سائنسی نام فیلوپیا ملٹی فلورا)، ایک چمچ کارڈیسیپ، ایک چمچ Moon Juice Dust، ایک چٹکی نمک اور ایک چٹکی ونیلا پاؤڈر۔

کھلوئی کارڈیشین

کھلوئی کارڈیشین اپنے سوشل میڈیا پیج پر کئی بار اس بات کا اقرار کرچکی ہیں کہ وہ ہاضمے کے نظام کو درست اور پیٹ کو سیدھا رکھنے کے لیے ہر صبح ’ادرک کی چائے‘ پیتی ہیں۔

ادرک کی چائے کے لیے آپ کو ادرک، لیموں، الائچی، شہد اور لال مرچ جیسی اشیادرکار ہونگی۔

ادرک کے ایک بڑے سے ٹکڑے کو 8سے 10چھوٹے ٹکڑوں میں کاٹ کر پانچ کپ پانی میں کم از کم 20منٹ تک اس طرح پکائیں کہ وہ صرف دو کپ رہ جائے۔ پھر اسے کپ میں نکال کر آدھے لیموں کا تازہ رس، آدھا چمچ شہد، چوتھائی چمچ الائچی اور حسبِ ذائقہ لال مرچ شامل کریں۔

لی مشیل

لی مشیل ہالی ووڈ کی اداکارہ اور گلوکارہ ہونے کے ساتھ ساتھ ایک بہترین مصنفہ بھی ہیں۔

لی مشیل نے ایک انٹرویو میں بتایا ہے کہ ا س کے ’مارننگ ڈِرنک‘ میں جو اجزاء (Kale، بلیو بیریز، ایواکاڈو اور برف) شامل ہیں، وہ عموماً ہر گھر میں پہلے ہی موجود ہوتے ہیں۔ ان تمام اجزاء کو بلینڈ کریں اور ایک مزیدار ڈِرنک انجوائے کریں۔