وزیراعلی پنجاب سردار عثمان بزدار سے لاہور چیمبر آف کامرس اینڈ انڈسٹری میں تاجروں اور صنعت کاروں سے ملاقات ہوئی ہے۔

ملاقات میں وزیراعلی پنجاب کو لاہور چیمبر آف کامرس اینڈ انڈسٹری نے ڈاکومنٹری دکھائی۔

ملاقات میں لاہور چیمبر کے صدر میاں طارق نے کہا کہ حفیظ سنٹر کا المناک حادثے میں تاجروں کا اربوں روپے کا نقصان ہوا ، پرائس کنٹرول کے حوالے سے تاجروں سے ناانصافی نہ ہو۔

میاں طارق مصباح نے یہ بھی کہا کہ حکومت ہمارے مثبت تعاون کر رہی ہے جبکہ ایل ڈی اے نے پراپرٹی پر کنورژن ٹیکس  بیس فی صد لگایا۔

لاہور چیمبر کے صدر میاں طارق نے مزید کہا کہ واسا نے صنعتوں کا واٹر ٹیکس بڑھا دیا جبکہ ایف بی آر فیکٹریوں اور کاروباری دفاتر پر چھاپے مار رہی ہے۔

صوبائی وزیر خزانہ ہاشم جواں بخت، وزیر اطلاعات فیاض الحسن چوہان سمیت لاہور چیمبر کے صدر میاں طارق مصباح بھی اس موقع پر موجود تھے۔