وزیراعظم عمران خان سے گورنر سندھ عمران اسماعیل اور وفاقی وزیرعلی زیدی کی اسلام آباد میں الگ الگ ملاقاتیں ہوئی ہے۔

تفصیلات کے مطابق وزیر اعظم عمران خان سے گورنر سندھ عمران اسماعیل کی ملاقات ہوئی جس میں گورنر سندھ نے کراچی ٹرانسفارمیشن پلان پر پیش رفت  کے حوالے سے  وزیر اعظم کو تفصیلی بریفنگ دی۔

اس موقع پر وزیراعظم نے گورنر سندھ کو ہدایت کی کہ بنڈل آئی لینڈ سے متعلقہ امور سندھ حکومت کے ساتھ مل کر طے کیئے جائیں۔

وزیراعظم عمران خان نے کہا کے بنڈل آئی لینڈ منصوبے سے سرمایہ کاری اور روزگار کے خاطر خواہ مواقع میسر ہوں گے۔

دوسری جانب وزیراعظم عمران خان سے وفاقی وزیر علی زیدی کی بھی ملاقات ہوئی جس میں بنڈل آئی لینڈ اور کراچی ٹرنسفارمیشن پلان پر گفتگو کی گئی۔