پاکستان کی نامور ماڈل اور اداکارہ آمنہ الیاس نے سانولی رنگت اور موٹاپے کا شکار افراد کی حمایت میں آواز بلند کر لی ہے۔

ماڈل اور اداکارہ آمنہ الیاس نے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی ہے۔

مزید پڑھیں

آمنہ الیاس نے آٹے سے بھرے تسلے میں اپنا منہ کیوں ڈالا؟

پاکستان کی نامور اداکارہ اور ماڈل آمنہ الیاس نے سیاہ رنگت کے...

See more

 آمنہ الیاس کی جانب سے پوسٹ کی جانے والی ویڈیو میں انہوں نے سانولی رنگت اور موٹاپے کا شکار افراد کو جن مشکلات کا سامنا کرنا پڑتا ہے اُس حوالے سے بتانے اور پیغام دینے کی کوشش کی ہے۔

انسٹاگرام پر شیئر کردہ ویڈیو میں اداکارہ کہہ رہی ہیں کہ سانولی رنگت اور موٹاپا کوئی مذاق نہیں ہے بلکہ یہ ایک بیماری ہے اور میری جنگ ہے اس بیماری کے ساتھ اور میں جب تک زندہ ہوں۔۔اتنی دیر میں کمرے کا دروازہ کھلتا ہے اور ایک خاتون آمنہ سے کہتی ہیں کہ ’آمنہ کوئی آیا ہے‘ جس پر وہ پوچھتی ہیں کہ ’کون آیا ہے امی؟

جواب میں خاتون کہتی ہیں کہ ’وہی کالا موٹا سا تیرا دوست۔‘

آمنہ الیاس کی اس ویڈیو کا مقصد یہ بتانا ہے کہ دوسروں کے رنگ اور جسامت کے حوالے سے اُن پر تبصرے کرنا، ایسا ہمارے اپنے گھروں میں ہوتا ہے اس چیز کو ختم کرنے کے لیے پہلے خود اپنے گھر والوں کو اس سے روکنا ہوگا اس کے بعد ہی ہم کسی اور کو روک سکتے ہیں۔

یاد رہے اداکارہ آج کل سانولے رنگ اور بھدے جسم والے افراد کی حمایت میں سوشل میڈیا پر کافی سرگرم دکھائی دے رہی ہیں۔

اس حوالے سے آمنہ الیاس کا کہنا ہے کہ سانولی رنگت اور موٹاپے کا شکار افراد کی ہمیشہ تذلیل کی جاتی ہے، وہ جہاں جاتے ہیں اُن کا مذاق اُڑایا جاتا ہے اور اُن کو حقارت کی نگاہ سے دیکھا جاتا ہے۔

آمنہ الیاس کا کہنا ہے کہ سانولے رنگ یا موٹاپے کو مذاق بنانا اب ختم ہوجانا چاہیے۔

اس سے قبل بھی آمنہ الیاس نےاپنے منہ پر آٹا لگا کر رنگ گورا کرنے کی مخالفت کی تھی اور اپنے مداحوں کو ایک خاص پیغام دیا تھا کہ وہ رنگ تبدیل کرنے کے بجائے خود کو پہچانیں۔

ماڈل اور اداکارہ آمنہ الیاس کا کہنا تھا کہ میری جِلد چاہے جیسی بھی ہو مجھے اس سے کوئی فرق نہیں پڑتا، میں اپنے مقاصد کو حاصل کرنے کے لیے ہر ممکن کوشش کروں گی اور اُنہیں حاصل کرکے رہوں گی۔

واضح رہے کہ آمنہ الیاس کا کہنا تھا کہ میری گہری رنگت مجھے ناکام نہیں کرسکتی اور نہ ہی مجھے میرے کسی بھی مقصد میں گِرا سکے گی۔