پیپلزپارٹی رہنما قمر زمان کائرہ نے کہا ہے کہ حکومت مکمل طور فیل ہو چکی ہے۔

تفصیلات کے مطا بق پیپلزپارٹی رہنما قمر زمان کائرہ نے بول نیوز سے خصوصی گفتگو کرتے ہوئے کہا کہ عوام کی رائے کے مطابق حکومت ملنی چاہیے حکومت جس کو لائیں واہی حکومت کرے۔

قمر زمان کائرہ نے کہا کہ حکومت کو کچھ سمجھ نہیں آرہی کہ کیا کرنا ہے مولانا فضل الرحمان بڑے لیڈر ہیں، ان کی مذہبی جماعت ہے اور ہماری پارٹی کے انکے ساتھ کئی بنیادوں پر اختلافات ہیں لیکن فواد چوہدری کو یہ بھی یاد ہونے چاہئے کہ مولانا فضل الرحمان  پہلے بھی ہمارے اتحادی رہے چکے ہیں

پیپلزپارٹی رہنما نے یہ بھی کہا کہ جس طرح ماضی میں اداروں کی جانب سے مداخلت ہوتی رہی ہے وہ نہیں ہونی چاہئےجبکہ ہمیں ملک کو دستور کے راستے پر چلانا ہوگا تب ہم پاکستان کو مستحکم بناپائیں گے۔

قمرزمان کائرہ کا اپنے بیان میں کہنا تھا کہ حکومت کا دعویٰ تھا کہ کرپشن کو ختم کریں گے اب ملک میں کریشن میں اضافہ ہوچکا ہے۔

پیپلزپارٹی رہنما قمرزمان کائرہ نے مزید کہا کہ حکومت مکمل طور فیل ہو چکی ہے جبکہ اگر حکومت کے جانے کے بعد پہلے جیسے انتخابات کرانے ہیں تو انتخابات کا کوئی فائدہ نہیں ہے۔