اداکارہ کومل عزیز نے اُن کے لباس پر تنقید کرنے والے سوشل میڈیا صارف کو کرارا جواب دے دیا۔

حال ہی میں کومل عزیز نے ایک تصویر پوسٹ کی جس میں وہ ترکی کے مشہور ’بوڈرم ساحل‘ پر موجود ہیں۔

 جبکہ تصویر میں دیکھا جاسکتا ہے کہ اداکارہ نے نیلے رنگ کا لباس زیب تن کیا ہوا ہے۔

مزید پڑھیں

کومل عزیز خان کی سب سے پسندیدہ ساتھی اداکارہ کون؟ اداکارہ نے بتا دیا

پاکستان کی اداکارہ کومل عزیز خان سب سے پسندیدہ ساتھی اداکارہ کا...

See more

کومل عزیز نے انسٹاگرام پر تصویر پوسٹ کرتے ہوئے کیپشن میں لکھا کہ میرا لباس بوڈرم ساحل سے مماثلت کر رہا ہے۔

کومل عزیز کی تصویر پر جہاں اُن کے مداحوں نے اداکارہ کے لیے تعریفی پیغامات جاری کیے تو وہیں کچھ ایسے صارفین بھی ہیں جو کومل عزیز کے لباس کو دیکھتے ہوئے اُن پر تنقید کر رہے ہیں۔

جواد نامی صارف نے اداکارہ کی پوسٹ پر تبصرہ کرتے ہوئے اُن پر شدید تنقید کی۔

     صارف نے لکھا کہ پاکستان سے باہر جاتے ہی اِن کی حیا اِن کا ساتھ چھوڑ دیتی ہے اور مجھے یہ بات سمجھ نہیں آتی۔

کومل عزیز نے صارف کے تنقیدی کمنٹ کا جواب دیتے ہوئے کہا کہ ایسا اس لیے ہے کیونکہ ہم بیرون ممالک اپنی مرضی کے لباس پہنتے ہیں، اکیلے سفر کرتے ہیں او ر پھر بھی خود کو محفوظ محسوس کرتے ہیں۔

کومل عزیز نے کہا کہ وہ خود کو پاکستان میں نہیں بلکہ بیرون ملک میں محفوظ محسوس کرتی ہیں۔

اداکارہ کومل عزیز خان نےسوشل میڈیا پر خود پر ہونے والی تنقید کا کرارا جواب دیا ہے جس پر خواتین ان کو خوب سراہ رہی ہیں۔

کومل عزیز نے لکھا کہ بیرون ممالک میں ہمارا سامنا آپ جیسے نفرت انگیز لوگوں سے نہیں ہوتا ہے جو مذہب کا غلط استعمال کرتے ہوئے نفرت پھیلاتے ہیں۔

اداکارہ نے کہا کہ میرے اعمال میرے ساتھ ہیں اور آپ کو ان کی فکر کرنے کی کوئی ضرورت نہیں۔

یاد رہے کہ کومل عزیز پاکستان ڈرامہ انڈسٹری کی نئی اُبھرتی ہوئی اداکاراؤں میں سے ایک ہیں۔

واضح رہے کہ کومل عزیز کے اس رد عمل پر خواتین مداحوں کی جانب سے بھی کمنٹ میں اُن کے رد عمل کی تائید کرتے ہوئے اپنے تاثرات کا اظہار کیا گیا۔