والدین نے مفت وائی فائی کے لیے اپنی نومولود بچی کا نام انٹرنیٹ سروس فراہم کرنے والی کمپنی کے نام پر رکھ دیا۔

غیر ملکی خبر رساں ادارے کے مطابق سوئزرلینڈ سے ایک دلچسپ خبرآئی ہے کہ نومولود بچی کا نام انٹرنیٹ سروس فراہم کرنے والی کمپنی ٹوائی فایئا کے نام سے پکارا جائے گا۔

مزید پڑھیں

پاکستان تیزترین انٹرنیٹ فراہم کرنے والےممالک میں بھارت سےآگے

پاکستان تیزترین انٹرنیٹ فراہم کرنےوالےممالک کی فہرست میں بھارت سےآگےنکل گیا۔  سائنس...

تفصیلات کے مطابق بچی کے والد نے فیس بک پر ایک اشتہار دیکھا جس میں وائی فائی اسٹارٹ اپ کمپنی ’ٹوائی فائی‘ نے اعلان کیا تھا کہ جو بھی اپنے بچے کی پیدائش پر اس کا نام کمپنی کے نام پر رکھے گا اس بچے کو 18 سال تک مفت وائی فائی فراہم کیا جائے گا۔

تاہم اشتہار میں لکھا تھا کہ بچے کی تصویر اور پیدائشی سند کی تصویر بھیجی جائے۔

جس کے بعد کمپنی ٹوائی فائی اسے 18 برس تک مفت سروس فراہم کرے گی۔

دوسری جانب والد پہلے ہی سوچ چکے تھے کہ بیٹی کو ٹوافائیا اور بیٹا ہوا تو اس کا نام ٹوائی فس رکھا جائے گا۔

یاد رہے کہ والدین نے اپنا نام نہ بتانے کی شرط پر کہا کہ وائی فائی کا ماہانہ خرچ 18 سال تک بچایا جائے گا اور اسے بالغ لڑکی کی تعلیم، کار یا کسی اور ضرورت پر خرچ کیا جائے گا۔

اس موقع پر ٹوائی فائی کے سربراہ فلپ فوش نے کہا ہے کہ اگر ان کی کمپنی دیوالیہ بھی ہوجائے تب بھی 18 برس وعدے کے تحت بچی کو وائی فائی مفت میں فراہم کیا جاتا رہے گا

واضح رہے کہ بچی کی والدہ اس نام سے مطمئین نہیں لیکن اب انہوں نے برتھ سرٹفیکیٹ پریہ نام لکھوالیا ہے۔