ایرانی صدر حسن روحانی کا روسی ہم منصب ولادیمیر پوتین سے ٹیلی فونک رابطہ ہوا ہے۔

ٹیلیفونک گفتگو کرتے ہوئے ایران کے صدر حسن روحانی نے کہا کہ مسئلہ قرہ باغ کا کوئی فوجی حل نہیں ہے بلکہ مسئلے کے حل کیلئے مذاکرات، بین الاقوامی قوانین کے دائرے میں آذربائیجان اور آرمینیا سے تعاون کرنے پر تیار ہے۔

روس کے صدر ولادیمیر پوتین نے مسئلے قرہ باغ سے متعلق ایرانی خدشات کو بجا قرار دیتے ہوئے کہا کہ اس مسئلے کے حل اور مذاکرات کے آغاز کیلئے ایران سے تعاون پر تیار ہیں۔

روس کے صدر نے کہا کہ قرہ باغ مسئلے سے متعلق ایران کا موقف ہمارے لیے انتہائی اہم ہے۔

ولادیمیر پوتین نے قرہ باغ میں بعض ثالث فریقوں کی مداخلت اور اس تناؤ میں دہشتگرد گروہوں کی موجودگی کو خطرناک قرار دیتے ہوئے کہا کہ سارے ہمسایہ ملکوں کو اس تناؤ کے خاتمے کیلئے تعاون کرنے کی ضرورت ہے۔

روس کے صدر نے کہا کہ قرہ باغ  کے مسئلے پر ایرانی خدشات درست ہیں ، مسئلے کے حل اور مذاکرات کے آغاز کیلئے ایران سے تعاون پر تیار ہیں

ولادیمیر پوتین نے یہ بحی کہا کہ جوہری معاہدے ایران کیخلاف عائد پابندیوں سے متعلق ہمارا موقف واضح ہے اور ہم ایران کیخلاف غیر قانونی اقدامات کے مخالف ہیں۔

روس کے صدر ولادیمیر پوتین نے دونوں ممالک کی تجارتی لین دین پر کورونا کے بُرے اثرات کا ذکر کرتے ہوئے امید ظاہر کی کہ کورونا پر قابو پانے سے دونوں ملکوں کے تجارتی تعلقات میں مزید اضافہ ہوگا۔