پاکستان شوبز انڈسٹری کی اداکارہ ثنا جاوید اور گلوکار عمیر جسوال نکاح کے بعد سیر پر نکل گئے ہیں۔

دونوں کی تصاویر سوشل میڈیا پر خوب وائرل ہو رہی ہیں اور ان کی تصاویر کو مداحوں کی جانب سے پسند بھی کیا جا رہا ہے۔

مزید پڑھیں

ملتان، ایئرپورٹ پر عالمی وبا میں مبتلا مریض جہاز سے آف لوڈ

ملتان سے جدہ جانے والی فلائٹ میں موجود عالمی وبا کورونا وائرس...

ثناء کے ساتھ کبھی بھی کوئی لمحہ مدھم نہیں ہوتا، عمیر جسوال

پاکستان شوبز انڈسٹری کی اداکارہ ثنا جاوید کے ساتھ رشتۂ ازدواج میں منسلک...

گزشتہ دنوں عمیر جسوال نے انسٹا اسٹوری پر تصویر شیئر کی ہے۔

شیئر کی جانے والی تصویر میں دیکھا جا سکتا ہے کہ گلوکار اور ثنا جاوید گاڑ ی میں بیٹھے کہیں جارہے ہیں۔

انسٹا اسٹوری میں انہوں نے سیلفی شیئر کرتے ہوئے مزاحیہ انداز میں لکھا کہ ’ملین ڈالر کا سوال ہے کہ بیگم آج کیا کھانا ہے؟‘

گلوکار نے اپنی اگلی انسٹا اسٹوری میں ایک اور سیلفی کے ساتھ اہلیہ کا جواب بتاتے ہوئے لکھا کہ ’ثنا کا کہنا ہے کہ عمیر کھانے کا کچھ معلوم نہیں بس تم سیلفی سے اپنا پیٹ بھر لو۔‘

اس سے قبل عمیر جسوال نے انسٹاگرام پر نکاح کی نئی تصویریں پوسٹ کی تھیں جن میں ثنا جاوید اپنے شوہر کا ہاتھ تھامے بھرپور انداز میں مُسکرا رہی تھیں۔

عمیر جسوال نے تصویریں پوسٹ کرتے ہوئے لکھا تھا کہ ’ثناء کے ساتھ کبھی بھی کوئی لمحہ مدھم نہیں ہوتا اور نہ ہی میں ان کے ساتھ خود کو سُست محسوس کرتا ہوں۔‘

واضح رہے کہ گزشتہ دنوں ثنا جاوید اور گلوکار عمیر جسوال نے اپنی شادی کی تصویر شیئر کرکے مداحوں کو خوشگوار حیرت میں مبتلا کردیا تھا۔