چہلم امام حسین کا مرکزی جلوس امام بارگاہ حسینیاں ایرانیاں کھارادر پہنچ کر اختتام پذیر ہوگیا۔

تفصیلات کے مطابق کراچی میں چہلم امام حسین کا مرکزی جلوس نشتر پارک سے برآمد ہوکے مرکزی شاہراہ سے ہوتا ہوا کھارادر پہنچ کر اختتام پذیر ہوگیا, جلوس کے لیے سیکورٹی کے سخت انتظامات کیے گِئے تھے۔

کراچی میں چہلم کا مرکزی جلوس نشتر پارک سے برپا ہوا، جلوس سے قبل نشتر پارک میں مجلس عزا کا انعقاد کیا۔گیا مرکزی مجلس عزاسے علامہ شہنشاہ نقوی نے خطاب کیا۔

جلوس میں شامل عزادروان نے نماز ظہرین تبت سینٹر کے مقام پر ادا کی جبکہ جلوس کے راستوں میں سبیل کا بھی خصوصی انتظام تھا۔

جلوس کی خصوصی۔سیکورٹی کے لیے پولیس کے شارپ شوٹر عمارتوں پر تعینات تھے جبکہ پولیس اور رینجرز کی بھاری نفری نفری تعینات تھی۔

جلوس کے راستوں پر موبائل فون سروس صبح 10 بجےسے ہی بند کر دی گئی تھی۔

مرکزی جلوس میں سیکورٹی انتظامات کا جائزہ لینے کے لیے ڈی جی سندھ رینجرز میجر جنرل عمر بخاری نے بھی دورہ کیا جبکہ ۔پولیس اوررینجرز سمیت دیگر اداروں کے حکام  جلوس کی مانیٹرنگ کرتے رہے۔