وزیر منصوبہ بندی اسد عمر نے کہا ہے کہ موجودہ حکومت معاشی ترقی کیلئے پرعزم ہے۔

تفصیلات کے مطابق وزیر منصوبہ بندی اسد عمر سے سردار یاسر الیاس کی سربراہی میں اسلام آباد چیمبر آف کامرس اینڈ انڈسٹری کے وفد کی ملاقات ہوئی ہے۔

اعلامیہ پلاننگ کمیشن کے مطابق ملاقات میں صدر اسلام آباد چیمبرسردار یاسر الیاس کی جانب سے وزیر منصوبہ بندی کو چیمبر کی سرگرمیوں پر بریفنگ دی گئی جبکہ وفد کی جانب سے اسلام آباد میں نئے انڈسٹریل سٹیٹ کے قیام پر زور دیا گیا۔

ملاقات میں وزیر منصوبہ بندی اسد عمر نے کہا کہ موجودہ حکومت معاشی ترقی کیلئے پرعزم ہے۔

وزیر منصوبہ بندی اسد عمر نے مزید کہا کہ وفاقی حکومت اسلام آباد میں انڈسٹریل سٹیٹ کیلئے معاونت کریگی جبکہ اسلام آباد چیمبر کو نئے انڈسٹریل زون کے قیام کیلئے مکمل سپورٹ کیا جائیگا۔