سینئر سیاستدان ڈاکٹر فاروق ستار کا کورونا ٹیسٹ دوبارہ مثبت آگیا۔

تفصیلات کے مطابق سینئر سیاستدان ڈاکٹر فاروق ستار کی دوسری کورونا رپورٹ بھی مثبت آگئی۔

سینئر سیاستدان فاروق ستار نے کورونا ٹیسٹ دوبارہ مثبت آنے کے بعد اپنے پیغام میں کہا کہ مجھ میں بظاہر کرونا کی کوئی علامات نہیں ہیں اور ڈاکٹروں کا کہنا ہے فکر کی کوئی بات نہیں ہے جبکہ ڈاکٹر کا کہنا ہے 2سے 3 دن بعد دوبارہ ٹیسٹ کروالیں۔

اپنے پیغام میں سینئر سیاستدان فاروق ستار نے مزید کہا کہ میں اور میری اہلیہ ابھی کورانٹائین میں ہی ہیں، عوام سے دعاوں کی اپیل ہے۔

یاد رہے اس سے قبل سینئر سیاستدان فاروق ستارعالمی وبا کورونا وائرس کا شکار ہوگئے تھے جس کے بعد انہوں نے خود کو گھر پر قرنطینہ کرلیا تھا۔