پاکستان شوبز انڈسٹری کی اداکارہ ثنا جاوید نے مداحوں سے نے اپنے نام سے منسوب جعلی ٹوئٹر اکاؤنٹ کو رپورٹ کرنے کی اپیل کی ہے۔

سوشل میڈیا سائٹ انسٹاگرام پر ثنا جاوید نے اپنے مداحوں کو ایک اہم اطلاع دیتے ہوئے اسٹوری میں اپنے نام سے منسوب جعلی ٹوئٹر اکاؤنٹ کا اسکرین شاٹ شیئر کیا ہے۔

مزید پڑھیں

ثنا جاوید کیلئے کون جان دے سکتا ہے؟

پاکستان شوبز انڈسٹری کی اداکارہ ثنا جاوید کے بھائی نے اپنی بہن...

ثنا جاوید نے اپیل کرتے ہوئے کہا کہ ’مہربانی کرکے اس ٹوئٹر اکاؤنٹ کو رپورٹ کریں کیونکہ یہ میرا اکاؤنٹ نہیں ہے۔‘

اداکارہ نے اپنے پیغام میں لکھا کہ ’کوئی اُن کے نام کا غلط استعمال کرکے سیاست سے متعلق نامناسب ٹوئٹ کر رہا ہے اور افسوس کی بات یہ ہے کہ سینئر صحافی تصدیق کیے بغیر اُن جعلی ٹوئٹس کو ری ٹوئٹ بھی کر رہے ہیں۔‘

اداکارہ نے کہا کہ ’جتنا جلدی ہوسکے اس جعلی ٹوئٹر اکاؤنٹ کو رپورٹ کریں۔‘

دوسری جانب ثنا جاوید نے اپنے آفیشل ٹوئٹر اکاؤنٹ کے بارے میں بتایا کہ ’میرے آفیشل ٹوئٹر اکاؤنٹ کی لنک انسٹاگرام کی بائیو میں ہے۔‘

واضح رہے کہ گزشتہ دنوں ثنا جاوید اور عمیر جسوال نے اپنی شادی کی تصویر شیئر کرکے مداحوں کو خوشگوار حیرت میں مبتلا کردیا تھا۔