چیئرمین نیب جسٹس ر جاوید اقبال نے کہا ہے کہ ملکی معاشی ترقی میں بزنس کمیونٹی کا اہم کردار ہے۔

تفصیلات کے مطابق چیئرمین نیب جسٹس ر جاوید اقبال سے پاکستان فلور ملز ایسوسی ایشن کے وفد کی ملاقات ہوئی ہے۔

اس موقع پر چیئرمین نیب جسٹس ر جاوید اقبال نے کہا کہ بزنس کمیونٹی کے تمام ٹیکس کیسز ایف بی آر کو بھیج دیے جبکہ فلور ملز مالکان کو نیب ملتان کے جاری کردہ نوٹسز پر کاروائی روک دی۔

جاوید اقبال نے یہ بھی کہا کہ معاملہ عدالت میں ہے جبکہ اینٹی کرپشن پنجاب بھی تحقیقات کررہا اور یہ تاثر درست نہیں کہ نیب اقدامات سے بزنس کمیونٹی پریشان ہے جبکہ عدالتوں میں زیر سماعت 1210 ریفرنسز میں بزنس کمیونٹی کے 2 فیصد کیسز بھی نہیں۔

چیئرمین نیب جسٹس رجاوید اقبال نے مزید کہا کہ سائلین کی شکایات کی بروقت شنوائی کے لیے کھلی کچہریاں لگائیں جبکہ ملکی معاشی ترقی میں بزنس کمیونٹی کا اہم کردار ہے اور نیب قانون کے مطابق اپنی قومی ذمہ داری ادا کررہا ہے۔