کورونا وائرس کے ممکنہ پھیلاؤ کو روکنے کے لیے قومی اسمبلی سیکریٹریٹ کے دفاتر کو تین دن کے لیے بند کرنے کا فیصلہ کر لیا گیا ہے۔

تفصیلات کے مطابق کورونا وائرس کے بڑھتے ہوئے کیسسز کے باعت قومی اسمبلی کی تمام سرگرمیاں معطل کرتے ہوئے دفاتر کو تین دن کے لیے بند کرنے کا فیصلہ کر لیا گیا ہے

قومی اسمبلی سیکریٹریٹ کے شعبہ انتظامیہ کی جانب سے نوٹیفیکیشن جاری کردیا گیا ہے۔

قومی اسمبلی کی قائمہ،پبلک اکاؤنٹس اور خصوصی کمیٹیوں کے 9 نومبر تک ہونے والے اجلاس منسوخ کئے گئے جبکہ قومی اسمبلی کے دفاتر کو 6 نومبر 2020 تک بند رکھا جائے گا۔

سی ڈی اے کو جراثیم کش ادویات سے تمام دفاتر کو ڈسانفیکٹ کرنے کی ہدایت کی گئی جبکہ عملہ کو کورونا وائرس کی علامات کی صورت میں فوری ٹیسٹ کرانے کی بھی ہدایات کی گئی ہے۔

دوسری جناب سیںٹ سیکرٹریٹ میں دفاتر کے اوقات کار بھی تبدیل کر دیے گئے۔

دفاتر پیر سے جمعرات صبح 10 بجے سے دوپہر 3 بجے تک ہونگے جبکہ جمعہ کو سینٹ سیکرٹریٹ 10 بجے سے 1 بجے تک ہوگا