پاکستان سٹاک ایکسچینج میں کاروباری ہفتے کے تیسرے روز 554 پوائنٹس کی کمی ہوئی ہے۔

تفصیلات کے مطابق پاکستان کاروباری ہفتے کے تیسرے روز پاکستان اسٹاک ایکسچینج میں مندی کا رجحان رہا۔

پاکستان اسٹاک ایکسچینج میں 100 انڈیکس میں 554 پوائنٹس کی کمی سے 40 ہزار کی حد گنوا بیٹھا جبکہ آج مندی کے باعث مارکیٹ میں 1 عشاریہ 38 فیصد کی کمی ریکارڈ کی گئی۔

مارکیٹ 554 پوائنٹس کی کمی سے 39ہزار 632 پر بند ہوئی جبکہ دن بھر356 کمپنیوں کےشیئرز میں کاروبار ہوا-

 267کمپنیوں کے شیئرز کی قیمتوں میں کمی جبکہ 67 کےشیئرز کی قیمتوں میں اضافہ ہوا۔

سونے کی قیمت میں450 روپے کی کمی جس کے بعد فی تولہ سونا 1 لاکھ 12ہزار 850 پر آگیااسی طرح 10 گرام سونے کی قیمت385 روپے کی کمی سے 96 ہزار 751 روپے ہوگئی جبکہ عالمی مارکیٹ میں سونا 6 ڈالر کی کمی سے1866 ڈالر فی اونس پر آگیا-

دوسری جانب انٹربینک میں ڈالر کی قیمت میں 32 پیسے کااضافہ ہوا ڈالر 160.73 سے بڑھ کر161.05 پر بند ہوا- اسی طرح اوپن مارکیٹ میں بھی ڈالر کی قیمت35 پیسے بڑھ گئی -ڈالر 161روپے سے بڑھ کر 161.35 پر پہنچ گیا۔