ایشیا کے سب سے بڑے فلمی میلے ٹوکیو انٹرنیشنل فلم فیسٹول کا آغاز ہوگیا ہے۔

غیر ملکی خبر رساں ادارے کے مطابق کورونا وبا کے باعث محدود پیمانے پر33 ویں ٹوکیو انٹرنیشنل فلم فیسٹول کی افتتاحی تقریب ٹوکیو انٹرنیشنل فورم میں منعقد ہوئی۔

مزید پڑھیں

​ سائنسدان عبدالسلام پر بننے والی فلم ’سلام‘ بہت جلد نیٹ فلکس پر

پاکستان کے پہلے نوبل انعام یافتہ سائنسدان عبدالسلام پر ننے والی فلم...

خیال رہے کہ اس تقریب کو کافی حد تک محدود کیا گیا، جہاں فنکاروں نے پرستاروں کے ایک بڑے ہجوم کے سامنے بھرپور انداز میں نمودار ہونے کے بجائے ذرائع ابلاغ کے نمائندوں کے سامنے خیرسگالی جذبات کا اظہار کیا۔

دوسری جانب حاضرین کے ووٹوں کے ذریعے 32 فلموں میں سے انتخاب کیے جانے والا آڈیئنس ایوارڈ اس میلے کا واحد انعام ہو گا، میلہ 9 نومبر تک جاری رہے گا۔

یاد رہے کہ اس سال گرانڈ پرکس مقابلہ منعقد نہیں کیا جائے گا کیونکہ عالمی وبا کی وجہ سے بیرونِ ملک سےانعامی مقابلوں کے ججز شرکت نہیں کر سکتے۔

واضح رہے کہ ٹوکیو میلے کا سب سے پہلے 1985 میں انعقاد کیا گیا اور 1991 تک ہر دوسال بعد انعقاد کیا جاتا تھا تا ہم اب اس میلے کا ہر سال انعقاد کیا جاتا ہے۔