چیئرمین نیب جاوید اقبال نے کہا ہے کہ بزنس کمیونٹی کا معاشی ترقی میں اہم کرادر ہے۔

تفصیلات کے مطابق چیئرمین نیب جاوید اقبال سے صدر گوادر چیمبر آپ کامرس میر نوید بلوچ سے ملاقات ہوئی ہے۔

اس موقع پر چیئرمین نیب جاوید اقبال نے کہا کہ نیب بزنس کمیونٹی کا بہت احترام کرتی ہے، انکم ٹیکس اور سیلز ٹیکس کے معاملات ایف بی آر کو منتقل کر دیے ہیں۔

چیئرمین نیب نے کہا کہ ملک 100 ارب روپے کا مقروض ہے جبکہ اسپتالوں میں بیڈز نہیں طلباء کو جامعات میں داخلے نہیں مل رہے۔

جاوید اقبال نے یہ بھی کہا کہ 1980 میں جس کے پاس ایک ٹکا نہیں تھا آج بڑی بڑی عمارتوں کے مالک ہیں، ان کے اتنا پیسہ کہاں سے آیا اس کی تحقیقات کر رہے ہیں۔

چیئرمین نیب جاوید اقبال نے مزید کہا کہ جس کے پاس موٹر سائکل تھا وہ آج دبئی میں ٹاورز کا مالک ہے، نیب نے ان پر ہاتھ ڈالا اور پوچھ رہا ہے کہ بتایا جائے کہ غیر قانونی کام کیوں کیے۔