بلاول ہاؤس میں منعقد بختاور بھٹو کی آج ہونے والی منگنی کی رسم کی تصاویر منظر عام پر آگئی ہیں۔

بختاور بھٹو کی منگنی کی رسم کی تقریب میں قریبی عزیز واقارب نے شرکت کی ہے جبکہ تقریب میں تقریباً 50 سے 60 افراد نے شرکت کی ہے۔

تاہم رسم کی باقاعدہ ادائیگی کے بعد تقریب میں شریک مہمانوں کی واپسی تاحال جاری ہے جبکہ یاد رہے کہمنگنی کی تقریب ڈھائی گھنٹے جاری رہی۔

منگنی کی تقریب میں مہمانوں کی تواضع پاکستانی اور انگریزی کھانوں سے کی گئی جس میں کوفتے، بریانی، چکن بروسٹ اور مچھلی مینو میں شامل تھا تاہم بچوں کے کھانے کی خصوصی ڈشز بھی تیار کی گئیں تھیں۔

علاوہ ازیں کورونا سے متاثر بلاول بھٹو زرداری بہن بختاور کی منگنی میں ورچوئل طریقے سے تقریب میں شریک ہوئے جبکہآصفہ بھٹو زرداری نے ویڈیو کال سے تقریب میں موجود مہمانوں سے بلاول بھٹو ورچولی ملوایا ۔

https://twitter.com/BBhuttoZardari/status/1332368902840594433