پی ٹی آئی رہنماء خرم شيرزمان نے کہا ہے کہ گلگت بلتستان کی باشعور عوام نے ملک، ترقی دشمن جماعتوں کو رد کردیا۔

تفصیلات کے مطابق پی ٹی آئی رہنماء خرم شيرزمان نے اپنے بیان میں کہا کہ سرکاری گاڑیوں اور املاک کو آگ لگانے کی ہدایات بلاول ہاؤس سے دی گئی لہذا گلگت بلتستان میں پیپلزپارٹی کے شرپسند عناصر کو فوری گرفتار کیا جائے۔

 پی ٹی آئی رہنماء نے یہ بھی کہا کہ فرزند زرداری الیکشن ہار کر بھی جی بی کو سندھ بنانا چاہتے ہیں، پولیس پیپلزپارٹی کے گلوبٹوں کے خلاف کارروائی کرے۔

خرم شيرزمان کا کہنا تھا کہ بلاول زرداری نے سندھ کے جرائم پیشہ افراد جی بی میں چھوڑے ہوئے ہیں۔

پی ٹی آئی رہنماء خرم شيرزمان کا مزید کہنا تھا کہ شکست خور جماعتیں حوصلہ رکھیں اور اگلی الیکشن کا انتظار کریں، پرچی چیئرمین کو چیلنج کرتے ہیں وہ سندھ میں اب کہیں سے بھی الیکشن لڑ کر دکھائیں انہیں شکست ہوگی۔