کاون ہاتھی نے کمبوڈیا سینکچوری میں ایک ہتھنی میں دلچسپی ظاہرکردی۔

تفصیلات کے مطابق 35 سال پاکستان  میں گزار کر کمبوڈیا جانے والے ہاتھی کاون نے ایک ہتھنی میں دلچسپی ظاہرکردی ہے۔

ایک وقت تک ’دنیا کے سب سے تنہا‘سمجھے جانے والے ہاتھی کو کمبوڈیا سینکچوری میں تین ہتھنیوں کے پڑوس میں رکھا گیا ہے جن میں سے ایک میں اس نے دلچسپی ظاہر کی ہے۔

واضح رہے کہ اسلام آباد کے چڑیا گھر میں 2012 میں اپنی ہتھنی دوست کے مرنے کے بعد سے تنہا ئی کا شکار کاون  ہاتھی 30 نومبر کو  کمبوڈیا پہنچا تھا۔

کمبوڈیا پہنچنے پر کاون کا روایتی انداز سے ناریل پھوڑا کر استقبال کیا گیا تھا۔