کمشنر و ایڈمنسٹریٹر افتخار شالوانی نے کثیرالمنزلہ عمارتوں کوخوبصورت بنانے کاحکم دے دیا۔

تفصیلات کے مطابق کمشنر و ایڈمنسٹریٹر افتخار شالوانی نے اپنے ایک بیان میں کہا کہ شہرکی بیشترعمارتیں بدصورتی میں اضافہ کرتی ہیں، انہیں دیکھنے سے انسانی زہن پربرااثرمرتب ہوتا ہے۔

کمشنر و ایڈمنسٹریٹر نے کہا کہ کثیرالمنزلہ عمارتوں خاص طورپراہم شاہراہوں پرقائم عمارتوں پررنگ وروغن کیا جائے جبکہ عمارتوں کے مالکان اورمکین ان کی تزئین وآرائش کے پابندہونگے۔

افتخار شالوانی نے یہ بھی کہا کہ تمام کثیرالمنزلہ عمارتوں اوربنگلوں کے مکینوں کومشورہ دیا جاتا ہے کہ وہ اپنی بالکونیوں میں گلدستے سجائیں جبکہ اہم شاہراہوں اورعوامی مقامات پرقائم عمارتوں کے مکین اپنے ٹیرس اوربالکونیوں کوہرا بھرا رکھیں۔

کمشنر و ایڈمنسٹریٹر افتخار شالوانی نے مزید کہا کہ تمام ڈپٹی کمشنرز،ڈی ایم سیزاورکے ایم سی کاعملہ ان احکامات پرعملدرآمد کرانے کا پابند ہے۔