بھارتی فوج کی لائن آف کنٹرول ( ایل او سی ) پر سیز فائر کی خلاف ورزیوں کا سلسلہ بدستور جاری ہے۔

پاک فوج کےشعبہ تعلقات عامہ کے ڈائریکٹر جنرل آئی ایس اپی آر میجر جنرل بابر افتخار نے سماجی رابطے کی ویب سائٹ ٹویٹر پر اپنے ایک پیغام میں کہا ہے کہ لائن آف کنٹرول کے کھوئی رتہ سیکٹر پر بھارتی فوج کی بلا اشتعال فائرنگ کی۔

Indian troops initiated CFVs in Khuiratta Sector along #LOC. Pakistan army troops responded befittingly. Reports of heavy losses 2 Indian troops in men & material. During exchange of fire, while fighting valiantly, 2 soldiers, Lance Naik Tariq & Sepoy Zaroof embraced shahadat. pic.twitter.com/v5NqywqnP3

— DG ISPR (@OfficialDGISPR) December 9, 2020

اپنے پیغام میں میجر جنرل بابر افتخار نے یہ بھی کہا کہ پاک فوج کی جانب سے بھارتی فوج کی فائرنگ کا بھرپور اور موثر جواب دیا جس میں بھارتی فوج کے بھاری جانی و مالی نقصان کی اطلاعات ہوئی جبکہ دو بھارتی فوجی مارے گئے۔

ڈائریکٹر جنرل آئی ایس اپی آر میجر جنرل بابر افتخار نے مزید کہا کہ فائرنگ کے شدید تبادلے میں مادر وطن کے دو سپوت بہادری سے لڑتے شہید ہوئے، لانس نائیک طارق اور سپاہی ظروف نے جام شہادت نوش کیا۔

یاد رہے اس سے قبل بھی ترجمان آئی ایس پی آر نے کہا تھا کہ ایل او سی پر بھارتی فورسز کی بلااشتعال فائرنگ سے رکھ چکری سیکٹر میں آبادی کو نشانہ بنایا گیا جس میں ایک معمر خاتون  زخمی ہوئی جنہیں طبی امداد کیلئے قریبی طبی مرکز منتقل کردیا گیا ہے۔