بھارتی فوج کی لائن آف کنٹرول ( ایل او سی ) پر سیز فائر کی خلاف ورزیوں کا سلسلہ بدستور جاری ہے۔

پاک فوج کے شعبہ تعلقات عامہ کے مطابق کہ بھارتی فورسز نے خلاف ورزی  کرتے ہوئے لائن آف کنٹرول کے تتہ پانی سیکٹر میں بھارتی فوج کی بلا اشتعال فائرنگ کی اور جان بوجھ کر سویلین آبادی کو نشانہ بنایا۔

ترجمان آئی ایس پی آر کا کہنا ہے کہ بھارتی فوج نے مارٹرز اور بھاری ہتھیاروں کا استعمال کیا

ترجمان آئی ایس پی آر کا مزید کہنا ہے کہ بھارتی فائرنگ سے 55 سالہ خاتون زخمی ہوگئی، زخمی خاتون کو طبی امداد فراہم کی گئی۔

واضح رہے کہ گزشتہ روز بھارتی فوج کی جانب سے ایل او سی پر شدید فائرنگ کی گئی تھی ۔ بھارتی فورسزکی لائن آف کنٹرول پرکھوئی رٹہ سیکٹرپربلا اشتعال فائرنگ کی گئی تھی۔