سعودی عرب میں عالمی وبا پر کافی حد تک قابو پالیا گیا ہے۔

غیر ملکیخبر رساں ادارے کے مطابق سعودی عرب میں محکمہ صحت نے کورونا وائرس کے خلاف جنگ میں جیت کا اعلان کرتے ہوئے کہا ہے کہ کووڈ-19 پر قابو پا لیا گیا ہے۔

مزید پڑھیں

سعودی عرب میں تعلیمی ادارے کھولنے کا فیصلہ نہ ہوسکا

کورونا وائرس کی وجہ سے سعودی عرب سمیت دنیا کے کئی ممالک...

ملک میں کورونا وائرس کے 139 نئے کیسز ریکارڈ کیے گئے ہیں۔

مارچ میں وبا کے سر اٹھانے کے بعد سے یہ پہلی بار ہے کہ کیسز کی تعداد 150 سے کم رہی۔

اس حوالے سے وزارت صحت کی ہفتہ وار رپورٹ میں کووڈ 19 کے کیسز کے نقشے میں تصدیق کی گئی ہے کہ سعودی عرب کے تقریباً تمام علاقے ‘محفوظ زون’ میں ہیں اور رپورٹ میں گذشتہ ہفتے سے 50 سے کم کیسز سامنے آرہے ہیں۔

وزارت صحت کے ترجمان ڈاکٹر محمد العبد العالی نے ایک نیوز کانفرنس کے دوران کہا کہ ‘ہم ان ممالک میں سے ہیں جہاں کیسز پر قابل توجہ کمی دیکھی گئی ہے۔’

انہوں نے مزید کہا کہ ‘مملکت کا وبا پر اب زیادہ قابو ہے، یہ کامیابی طے کردہ (حفاظتی) اقدامات پر عمل کرنے کی وجہ سے ممکن ہوئی ہے۔

خیال رہے کہ امریکی کمپنی فائرز اور جرمن کمپنی بائیو این ٹیک کے اشتراک ست بننے والی ویکسین کی پہلی کھیپ کچھ دنوں میں سعودی عرب پہنچ جائے گی اور وزارت صحت کے ترجمان نے ممالک میں موجود تمام افراد پر زور دیا ہے کہ وہ ویکسین لگوائیں، اگر وہ کووڈ-19 سے صحت یاب ہوئے ہیں تو بھی انہیں ویکسین لگوانے کے لیے کہا گیا ہے۔

واضح رہے کہ انہوں نے مزید کہا کہ، ‘ کوئی تحقیق نہیں جو وائرس کے دوبارہ ہونے یا نہ ہونے کی تصدیق یا تردید کر سکے۔’