کاروباری ہفتے کے آخری روز پاکستان اسٹاک ایکسچینج میں ملا جلارجحان رہا۔

تفصیلات کے مطابق پاکستان اسٹاک ایکسچینج میں کاروباری ہفتہ مثبت ہندسوں پر اختتام پذیر ہوگیا ، پی ایس ایکس میں اتار چڑھاو کے بعد 164پوائنٹس کے اضافے کے بعد 42ہزار 470 پر بند ہوئی ہے۔

دن بھرمجوعی طور پر 386 کمپنیوں کے شیئرز میں کاروبار ہوا- 209 کمپنیوں کے شیئرز کی قیمتوں میں اضافہ جبکہ 157 کے شیئرز کی قیمتوں میں کمی ہوئی۔

دوسری جانب عالمی اور مقامی مارکیٹوں میں سونے کی قیمت میں استحکام رہا۔

  مقامی مارکیٹ میں فی تولہ سونا1 لاکھ 10ہزار 450 روپے پر مستحکم رہا- 10 گرام سونے کی قیمت بھی 94 ہزار 693 روپے پربرقراررہی-

 اسی طرح عالمی مارکیٹ میں بھی سونا 1837 ڈالر فی اونس پر مستحکم رہا- دوسری جانب انٹر بینک میں ڈالر کی قیمت میں 15 پیسے کی کمی ہوئی جس کے بعد ڈالر 160.29 سے کم ہوکر160.14 پربند ہواجبکہ اوپن مارکیٹ ڈالر 160 روپے 50پیسے پر مستحکم رہا۔