سوشل میڈیا اسٹار ناصر خان کا کہنا ہے کہ شاہ رخ خان اور ان کے درمیان کوئی فرق نہیں ہے۔

ناصر خان جان نے فوٹو اینڈ ویڈیو شیئرنگ ایپ انسٹاگرام پر ایک انوکھی پوسٹ شیئر کی ہے۔

مزید پڑھیں

ناصرخان جان نے اپنی منگنی کا اعلان کر دیا

سوشل میڈیا سنسنیشن ناصر خان جان نے آج اپنی منگنی کا اعلان...

سوشل میڈیا اسٹار کی جانب سے انسٹاگرام پر شیئر کی گئی پوسٹ میں دیکھا جا سکتا ہے کہ ناصر خان نے دو تصاویر پر مبنی ایک فوٹو کولاج شیئر کیا ہے۔

ایک تصویر ناصرخان جان کی ہے جبکہ دوسری تصویر بالی ووڈ کے کنگ شاہ رخ خان کی ہے۔

ناصر خان جان نے اپنی پوسٹ کی کیپشن میں کہا کہ ’دونوں خانز کے درمیان کسی قسم کا کوئی فرق نہیں ہے۔‘

سوشل میڈیا اسٹار نے اپنی پوسٹ میں ہیش ٹیگ شاہ رخ خان کا بھی استعمال کیا جبکہ صارفین سے اُنہیں اپنے دوستوں کو ٹیگ کرنے کے لیے کہا۔

دوسری جانب گزشتہ دنوں ناصر خان نے اپنی شادی سے متعلق خبر دے کر اپنے چاہنے والوں کو حیرت میں ڈال مبطلہ کر دیا تھا۔

ناصر خان جان کا کہنا تھا کہ میری لائف پارٹنر بہت اچھی اوراعلیٰ تعلیم یافتہ ہے، ہمارا نکاح آئندہ ہفتے ہوگا۔

یاد رہے کہ ناصر خان جان کی اس انوکھی پوسٹ پر انسٹاگرام صارفین کی جانب سے مزاحیہ تبصروں کا سلسلہ جاری ہے۔

واضح رہے کہ گزشتہ دنوں ناصر خان جان نے ٹوئٹر پیغام میں اپنے چاہنے والوں کو منگنی اور پھر نکاح کی خوشخبری دیتے ہوئے کہا تھا کہ آخر کار میری منگنی ہوگئی ہے۔