وفاقی وزیر فواد چوہدری نے کہا ہے کہ صوبائی حکومتیں مکمل ناکام ہیں۔

تفصیلات کے مطابق وفاقی وزیر فواد چوہدری نے سعید غنی کے بیان پر ردعمل دیتے ہوئے کہ ایسی ہی بے سروپا گفتگو سے آپ نے بھٹو اور بینظیر کی وفاقی جماعت کو اندرون سندہ کی قوم پرست جماعت میں تبدیل کر دیا ہے

وفاقی وزیر نے کہا کہ 1940 میں صوبوں نے ہی وفاق کی تشکیل کا فیصلہ کیا تھا، صوبے کماتے اور وفاق کی ضرورت نہ ہوتی تو آپ کے بزرگ وفاق کی تشکیل کا فیصلہ نہ کرتے۔

فواد چوہدری نے یہ بھی کہا کہ عقل اور شعور کی بحث کریں جبکہ صوبائی نظام کی تشکیل نو ضروری ہے۔

وفاقی وزیر فواد چوہدری نے مزید کہا کہ پاکستان میں بڑی اصلاحات کی ضرورت ہے جبکہ وزیر اعلیٰ کواختیارات اضلاع اور تحصیلوں کے ساتھ شئر کرنے ہوں گے ورنہ موجودہ نظام مکمل طور پر ناکام ہے۔