پاکستان شوبز انڈسٹری کی ہر وقت خبروں میں چھائی رہنے والی اداکارہ میرانے بتا دیا کہ وہ کیسے عالمی وبا کورونا وائرس سے محفوظ رہیں۔

تفصیلات کے مطابق اداکارہ میرا نے بتایا کہ وہ کورونا وائرس سے بال بال بچ گئیں ہیں۔

مزید پڑھیں

نامور اداکارہ و ہدایتکارہ سنگیتا بھی عالمی وبا کا شکار

پاکستان فلم اور ٹی وی کی سینئیر ورسٹائل اداکارہ و فلمساز سنگیتا...

یاد رہے کہ فلموں کی نامور اداکارہ میرا اداکارہ سنگیتا کے گھر کراچی میں تین چار روز سے رہائش پذیر تھیں، گزشتہ روز سنگیتا کا کورونا وائرس مثبت آیا تو کراچی میں سنگیتا کے گھر رہائش پذیر اداکارہ میرا نے بھی اپنا فوراً کوروناوائرس کا ٹیسٹ کروایا جو منفی آیا۔

اداکارہ میرا نے بتایا کہ میں کچھ روز سے ان کے ساتھ رہ رہی تھی۔

انہوں نے کہا کہ اب میں نے اپنی رہائش گاہ فوراً تبدیل کرلی ہے اور میں کراچی کے ایک ہوٹل میں قیام کرلیا ہے۔

یاد رہے کہ اداکارہ میرا نےکہا کہ میں سنگیتا آپا کے لیے دعا کی اپیل کرتی ہوں کہ تمام مداح اُن کی صحت کے لیے دعا کریں ۔

واضح رہے کہ اداکارہ میرا کو شہرت کی بلندیوں پر پہنچانے میں سنگیتا بیگم نے نمایاں کردار ادا کیا تھا۔