اداکارہ بشریٰ انصاری نے عالمی وبا کا شکار ہونے والے اداکار بہروز سبزواری کی جلد صحتیابی کے لیے دُعائیہ پیغام جاری کر دیا ہے۔

تفصیلات کے مطابق بشریٰ انصاری نے سوشل میڈیا سائٹ انسٹاگرام پر سینئر اداکار بہروز سبزواری کے ہمراہ ماضی کے دنوں کی ایک یادگار تصویر شیئر کی ہے۔

مزید پڑھیں

بشریٰ انصاری شوگر مافیا کے خلاف میدان میں آگئیں

پاکستان شوبز انڈسٹری کی اداکارہ بشریٰ انصاری شوگر مافیا کے خلاف میدان میں...

کپتان نے تاریخ ساز جلسہ کیا دوسری طرف “جلسیاں جلسیاں” کھیلنے والے دربدر پھر رہے ہیں، شہباز گل

وزیراعلیٰ پنجاب کے ترجمان شہباز گل نے سماجی رابطے کی ویب سائٹ...

بشریٰ انصار ی نے تصویر شیئر کرتے ہوئے کہا کہ ’میرے سب سے پیارے دوست بہروز جلدی سے ٹھیک ہوجاؤ۔‘

اداکارہ نے کہا کہ ’میں تمہاری جلد صحتیابی کی منتظر ہوں اور میری طرف سے تمہیں ڈھیر سارا پیار۔‘

اداکارہ نے مزید مداحوں کو اس خبر سے آگاہ کرنے کے لیے لکھا کہ ’بہروز کورونا وائرس کا شکار ہوگئے ہیں، براہِ کرم اُن کے جلد صحتیاب ہونے کے لیے دُعا کیجیے۔‘

واضح رہے کہ ذرائع کے مطابق اداکار بہروز سبزواری نے علامات ظاہر ہونے پر گزشتہ دنوں کورونا وائرس ٹیسٹ کروایا تھا جس کے نتائج مثبت آئے اور اب وہ اسپتال میں داخل ہیں۔