پاکستان شوبز انڈسٹری کی معروف اداکارہ یاسرہرضوی منفی کردار ادا کرنیوالے اداکاروں کے حق میں بول پڑیں۔

تفصیلات کے مطابق اداکارہ یاسرہ رضوی نے فوٹو اینڈ ویڈیو شیئرنگ ایپ انسٹاگرام پر ایک اپنی تصویر پوسٹ کی ہے جس کی کیپشن میں اداکارہ نے اُن اداکاروں کے حق میں بولا جو ڈراموں میں عصمت دری اور قاتلوں کا کردار ادا کرتے ہیں۔

مزید پڑھیں

یاسرہ رضوی نے یمنیٰ زیدی کو کیا قرار دے دیا؟

پاکستان شوبز انڈسٹری کی جاندار اداکاری کرنے والی اداکارہ یاسرہ رضوی نے...

یاسرہ رضوی نے اپنے انسٹاگرام اکاؤنٹ پر اپنی تصویر شیئر کی ہے جو اُن کے کسی پراجیکٹ کی لگ رہی ہے اور اس تصویر کے ساتھ اُنہوں نے ایک طویل کیپشن بھی لکھا ہے۔

اداکارہ نے اپنی پوسٹ کے کیپشن میں لکھا کہ ’وہ اداکار جو عصمت دری اور قاتلوں کا کردار ادا کرتے ہیں وہ واقعی میں زیادتی کرنے والے یا قاتل نہیں ہوتے ہیں۔

انہوں نے مزید کہا کہ وہ ایسے کرداروں کو ادا کرکے حقیقی زندگی میں ایسی حرکتیں کرنے کا جواز پیش نہیں کر رہے ہیں۔

یاسرہ رضوی نے کہا کہ ’ ایک اداکار کا واحد کام یہ ہے کہ وہ جو کردار ادا کررہے ہیں اس کے ساتھ انصاف کریں اور اس کی صداقت کے ساتھ عکاسی کریں۔‘

 کیونکہ اداکار کا مقصد کردار کے اخلاقیات کو عام لوگوں کے سامنے پیش کرنا نہیں ہے۔‘

یاسرہ رضوی نے مزید کہا کہ ’ایک بہترین اداکار کی نشانی یہ ہے کہ وہ جو کردار ادا کر رہا ہے اُس میں ڈھل جائے اور ایک حقیقت پسندانہ کارکردگی صرف اُن کی ملازمت کا حصہ ہے اس کا مطلب یہ نہیں کہ اگر اداکار منفی کردار ادا کر رہا ہے تو وہ حقیقی زندگی میں بھی ویسا ہی ہے۔‘

 واضح رہے کہ اداکارہ یاسرہ رضوی کے اس معنی خیز پیغام کو سوشل میڈیا صارفین کی جانب سے خوب پسند کیا جارہا ہے۔