شہر کراچی میں ایک بار پھر اسٹریٹ کرائم میں اضافہ دیکھا جارہا ہے جبکہ شہر میں مختلف حادثات میں خواتین سمیت 4 افراد جان بحق جبکہ دو زخمی ہوئے ہیں۔

قانون نافذ کرنے والے اداروں نے کراچی کے مختلف میں کارروائی کرتے ہوئے اسٹریٹ کرائیم اور قتل میں ملوث 6 ملزمان کو گرفتار کرلیا۔

کورنگی ڈیڑھ نمبر کے مقام پر مرغی کی دکان پر فاٸرنگ کا واقعہ پیش آیا ہے، ڈکیتی مزاحمت کے دوران ڈاکوں نے فائرنگ کردی جس کے نتیجہ میں ایک شخص محمد اسلم جان بحق ہوگیا جبکہ دوسرا شخص زخمی ہوگیا۔۔۔۔پولیس نے ملزمان کی تلاش شروع کردی ہے۔

گلشن اقبال پولیس نے کارروائی کرتے ہوئے کم عمر بچی سے مبینہ زیادتی کی کوشش کرنے والا ملزم کو گرفتار کرلیا۔

پولیس نے بچی کے والدہ کی مدعیت میں مقدمہ درج کرلیا ملزم کے خلاف کارروائی شروع کردی۔

خواجہ اجمیر نگری پولیس نے کارروائی کرتے ہوئے مبینہ ٹارگٹ کلر سمیت دو2 ملزمان کو گرفتارکرلیا۔۔۔ایس ایس پی سینٹرل کے مطابق ملزم رشید عرف راجہ مزہبی جماعت کے کارکن کے ٹارگٹ کلنگ اور قتل کی واردات میں ملوث ہے۔

ملزم ارسلان اسٹریٹ کرائم کی وارداتوں میں ملوث ہے، ملزمان کے خلاف مقدمہ درج کر کے کارروائی کا آغاز کردیا ہے۔